It winterprogramma fan de 60+ groep leit wer by de 60+ ers fan Easterein troch de brievebus en stiet ek yn de agenda fan easterein.nl Der komme wer in trijetal sprekkers en ek it boatreiske mei de “Simmerwille” stiet wer op de aginda op freed 20 maaie 2016.

It giet oan op tiisdei 17 novimber. Dhr Bijlsma hat in jiermannich ferlyn west mei in prachtich ferhaal oer de natoer. Dat wie sa moai dat se him no wer frege hawwe. Dhr. Bijlsma sil no fertele oer “De natoer yn de fjouwer jiergetiden”

Op tiisdei 12 jannewaris komt Gjalt de Jong. Gjalt is bekend as presentator by it skûtsjesilen en sil op dizze middei sprekke oer it silen op see. oer de strontrace, oer it skûtsjesilen en miskien ek wol oer de seereis nei de noardpoal. P.J. Herrema bringt lietsjes oer de silerij, kompleet mei doedelsek. En dat midden yn de winter…….

Op tiisdei 1 maart stiet it foar it skoft yn it ramt fan de soarchpleats by Spannum, Anneke Wester sil der alles oer fertelle. Nei it skoft ferteld Anneke oer har sportive hichtepunten. Sa hat se in marathon draaft yn de Sahara, yn it Hymalayagebied en op de Noardpoal. Tineke Bajema is der ek. Sy makket it ferhaal kompleet.